Purple Rose of Cairo

This is a space for free expression and to speak out against hypocrisy; It’s a space where we can speak of daily problems no matter how trivial; It’s a space for confronting our issues and discussing them honestly.

Friday, January 27, 2012

رسالة من خالتكم سلمية

أنا آسفة يا شباب انى الحيت عليكم تشلونى على كتافكم و تجروا بيه
ماكنش قصدى اخدعكم كان قصدى احميكم
و احمى العسكر من شر اعمالهم و شر اعمال الحرامية
كنت متصورة انى خالتكم
و خالتهم هما برضه
و كان عشمى انهم يقدرونى
لكن طلعوا قلالات الاصل ما بيهمهمش غير ورث ابوهم
ورث نجس و فاسد من يومه ..
عيال ما اتعلمتش و ماتربتش
عيال ماتعرفش انه الدم عمره ما يبقى مية
مالهمش خير فى امهم مصر
و لا عارفين أختها سلمية
أنا مش حاموت
أنا حاستخبى
و حيجيى يوم و اولادهم حيقلعوا البدلة و البيادة
و حيجيى يوم و حيسألوهم عليه
ساعتها بس حاسامحهم
و انتم كمان حتسامحونى
و حيحبوا على راسى و على رأسكم
و على كتافهم حيشيلونى
ساعتها بقى بيت اختى حيعمر
و كل ركن فيه بيكم و بيهم حينور
و ساعتها حانام و أنا مرتاحة
بس أمانة مع كل طلعة نهار تبوسولى امكم
و مع كل اذان و جرس كنيسة تفتكرونى

خالتكم سلمية

4 Comments:

  • At 1:44 PM, Blogger Mohammed said…

    ﺍﻧﺎ ﻣﺶ ﻫﺘﺎﺧﺪﻱ ﺳﺎﺗﺮ ﻟﻴﻪ ﺍﻟﻜﻼﻡ ﺻﺢ ﻭ ﻣﻨﻄﻘﻲ ﻭ ﻻ ﻳﺤﺘﻮﻱ ﻋﻠﻰ ﺍﺛﺎﺭﺓ ﻓﺘﻨﻪ ﻭﻻ ﻣﺎ ﺷﺎﺑﻪ,ﺷﺎﺑﻪ, ﻫﻮ ﻓﻘﻂ ﻣﺤﺰﻥ ﻭﻟﻜﻦ ﻭﺍﻗﻌﻲ,ﻭﺍﻗﻌﻲ, ﺷﻜﺮﺍ ﻟﻚ.

     
  • At 8:19 PM, Anonymous أحمد سلامة said…

    لن تكون ليبيا وسوريا!! موتي بغيظك وحقدك على مصر وأبناءها :).. أحسن حاجة انك حتتوهي دلوقتي ومش حتعرفي اذا كنت أنا إخوانجي ولا سلفي ولا فلول ولا لجنة إلكترونية ولا حزب الكنبة!!! الحمد لله ان كل دول أعدائك.. وكل دول هما مصر الحقيقية يا عدوة مصر والمصريين يا دموية يا ام قلب اسود بيعشق الدم والقتل والخراب.. روحي خدي المهدئ وبرشام الضغط واتخمدي :)

     
  • At 12:37 AM, Anonymous حسن العشماوى - الاسكندرية said…

    الاخت الفاضلة.. اسمحى لى ان أتعامل أنا مع الأخ احمد لاعفيكى من التعامل مع امثاله .. أنا يا اخ احمد عرفت الأستاذة من خلال دورة تدريبية للعاملين فى المجتمع المدنى و كان اغلب الحضور من جماعة الاخوان المسلمين التى لا تنتمى لهابالقطع بالاضافة لكثير من المنتمين للتيار السلفى و آخرين من تيارات و احزاب مدنية متنوعة فلمسنا منها تواضعاً و تعلمنا منها الكثير اكسبها لدينا كثيراً من الاحترام و المودة لا تستطيع انت و امثالك ان تنالوها ببذاءاتكم و وقاحتكم

     
  • At 5:02 PM, Blogger mohamed habashy said…

    بجد رائعه اوي وشكرا ليكي

     

Post a Comment

Links to this post:

Create a Link

<< Home