Purple Rose of Cairo

This is a space for free expression and to speak out against hypocrisy; It’s a space where we can speak of daily problems no matter how trivial; It’s a space for confronting our issues and discussing them honestly.

Wednesday, March 14, 2007

تعديلات دستورية بالجملة نشارك ... نقاطع ... نراقب ... والا مافيش فايدة

تعديلات دستورية نازلة السوق بالجملة
و البايع واحد والمشترى واحد
واحد قاعد فى قصر شبه قصر الجبلاوى بتاع اولاد حارتنا ...
والسوق ملييان ناس بتزعق و الدنيا زحمة و دوشة
و لكن المعلم نازل بالبضاعة و البلطجية واقفين يهللوا
و البيعة حتتم بالذوق او بالعافية
و الناس حتروح تزعق و تشتم و تشتكى شوية و تخلص الليلة على كدة
السوق الشهر الجاى و الكل بيحضرله
البلطجية بيلموا فى الاخوان المسلمين
الاحزاب بيزعقوا فى المجلس سيد قراره
القضاة بيناقشوا مواد لها ارقام ماحدش فاهم منها حاجة
و الحركات واقفة مش طالع لها صوت محتاسة تشارك والا تقاطع والا تنزل تراقب مع بتوع حقوق الانسان
ولو نزلوا و راقبوا و نشروا تقارير بترصد المخالفات
المصرى اليوم و الدستور و صوت الامة و شوية الجرايد المستقلة حتطلع علينا تقول البيعة فيها غش
و روز اليوسف و الاهرام و الاخبار و الجمهورية حتطلع تقول البيعة كانت زى الفل
و واحد حيطلع يرفع قضية على ابراهيم عيسى و واحد ثانى حيرفع قضية على وائل الابراشى
و ناشطين حيتهموا قيادات فى الحزب الوطنى و شوية ظباط فى الداخلية
و النائب العام حييرفض الدعاوى
و الناس حتقرا و تزعق و تشتم و تشتكى شوية و تصبح تجرى على اكل عيشها
و اكل العيش مش بالسهل

Labels:

6 Comments:

  • At 1:16 PM, Anonymous صفتاوى said…

    اخيرا اعترفتى انه مافيش فايدة
    الأمل كله فى ثورة الناس اللى طالعة تاكل عيش و مش عارفة ... هما دول اللى حيطلعوا على المعلم

     
  • At 10:48 PM, Anonymous Anonymous said…

    هو كده بالظبط يا ست قرمزية

     
  • At 1:36 AM, Anonymous سعد زغلول said…

    مفيش فايده...

     
  • At 11:41 AM, Anonymous T.B. said…

    Constitutional Reform? Humbug. We need a revolution.


    I did like the poems though. Very touching. The "author" is quite talented and proficient in both English & Arabic. A great poet.


    Cheers

     
  • At 3:07 PM, Blogger SHALABEYA said…

    somehow reminds me of masra7 el 3raaeis work on it purple rose i think you'll be inspired and lets make use of the acclaimed ta3deelat destooreya i guess it wont be less fun than 'el leyla el kebira'!

     
  • At 6:23 AM, Blogger ahmad said…

    روز

    للأسف قرأت بعد أحداث الجمعة المؤسفة
    و لكن لا يتغير شيء
    تعلمنا توقع الأسوأ
    و تعلمنا أن كل تقدم للأمام ستواجههه خطوات دافعة للخلف
    لكن قدرنا المسير
    و كما تعلمين ، أن اختيارك/نا لما سنفعله ، قد يشكل علامة فارقة ، بقليل من الحظ و التنظيم
    ابتسمي
    و توقعي الأسوأ

     

Post a Comment

Links to this post:

Create a Link

<< Home