Purple Rose of Cairo

This is a space for free expression and to speak out against hypocrisy; It’s a space where we can speak of daily problems no matter how trivial; It’s a space for confronting our issues and discussing them honestly.

Thursday, November 23, 2006

محاضرة المستشار هشام البسطويسى فى الجامعة الأمريكية
حضرت مساء أمس محاضرة للمستشار هشام البسطويسى محاضرة عن التعديلات الدستورية المرتقبة و كان ذلك فى الجامعة الأمريكية
الحقيقة المحاضرة حسستنى بان بالرغم من كل الاحباطات اليومية الا ان الدنيا لسة بخير
الدنيا لسة بخير لان هشام البسطويسى لسة مستمر فى نضاله من اجل الحريات و الديمقراطية بالرغم من كل ما تعرض له من محاولات لتشويه صورته و سمعته و بالرغم من اصابته باكثر من ذبحة صدرية
الدنيا لسة بخير لان الحضور كان واعى و متابع و الحوار الذى لحق المحاضرة كان غاية فى التحضر و التمدن
الدنيا لسة بخير لان الدستور المصرى فيه مواد بتحمى المواطن المصرى من الممارسات القمعية التى اعتادت السلطات الامنية عليها و اهم تلك المواد المادة واحد و اربعين
المادة واحد و اربعين بتحذر انتهاك خصوصية المواطن المصرى بدون اذن مسبق من القضاء و هى معلقة منذ اعلان حالة الطوارىء منذ اكثر من ربع قرن
و هى من ضمن المواد التى تسعى الدولة الى تعديلها لتتمكن من تشريع قانون مكافحة الارهاب الذى سوف يحل محل قانون الطوارىء
مشروع التعديلات الدستورية التى تسعى اليه الحكومة لا يخلى من الخباثة
لذلك سوف ابداء الان ولاول مرة فى حياتى بقراءة الدستور المصرى
يمكن افهم الفخ الحكومى اللى جاى حيكون فين

3 Comments:

  • At 8:39 PM, Anonymous بقدونس said…

    اعتقد يا زهرة القاهره يا قرمزيه و لو اني أشك أن في حاجه في القاهره بتفضل علي لونهاخصوصا بعد السحابه السوداو باقي الحاجات اللي مفيش داعي لمجرد >كرها عشان بتجيب احباط , ان مجرد قراء الدستور هتجيب احباط بعد ما تعرفي ان احنا لينا كل الحقوق دي و ما بناخدهاش ...

     
  • At 2:51 PM, Blogger Amira Hassan said…

    الدستور المصري فعلا بيحوي الكثير من القوانين التي تعتبر جيده و مسانده للمواطن و لكن الازمة ان يتم بالفعل تطبيق تلك القوانين..احنا برده لسه عندنا امل..

     
  • At 2:54 PM, Blogger Purple Rose of Cairo said…

    نورت البلوج يا بقدونس
    احنا بايدنا نحارب الاحباط و يايدنا حناخذ حقوقنا لأن ماحدش حيديهلنا من غير ما ندفع ثمن
    يا اميرة انا عندى امل ... عندى امل ان المصريين يعرفوا حقوقهم و شوية شوية ياخذوها

     

Post a Comment

Links to this post:

Create a Link

<< Home