Purple Rose of Cairo

This is a space for free expression and to speak out against hypocrisy; It’s a space where we can speak of daily problems no matter how trivial; It’s a space for confronting our issues and discussing them honestly.

Tuesday, December 16, 2008

حدوتة جزمة بوش و مجانين مصر المحروسة

فى يوم من الايام يا سادة يا كرام كان فى رئيس وزراء مصرى اسمه مصطفى باشا النحاس و كان النحاس فى الاسكندرية و هجم عليه مواطن مصرى و لسعه قلم على وشه فاتلم الحرس و الخلق و اخذوا لمواطن ابو ايد طويلة و عملوله محضر فى القسم - ايوه النحاس بجلالة قدره عمل محضر للمواطن
و تعدى السنين و الايام وفى مصر المحروسة برضه يدخل شاب على متاريس الحراسة بتاعة قصر جمهورى بيعدى عليه رئيس جمهورية مصر احيانا
فاتلم الحرس و السلاح و قاموا ضربين الشاب بالرصاص و طلع يا عينى مجنون و مهووس
زى المواطن بتاع بور سعيد اللى رمى سائل على موكب الرئيس ذاته و اترمى بعدها فى مستشفى امراض عقلية
وبعد سنين مش طويلة قام مواطن عراقى و رمى جزمته على رئيس امريكى
فانتفض الشعب المصرى و فرح و اعتبر ده عمل بطولى
ونشرة الاخبار الرسمية فضلت تعيد الخبر علشان تشارك الشعب فرحته و اعتبرت الصحفى العراقى بطل و مناضل
على عكس الشاب المصرى المسكين اللى اتقتل على يد الحرس الجمهورى
و البورسعيدى اللى دخلوه مستشفى المجانين
و توتة توتة فرغت الحدوتة

2 Comments:

  • At 1:26 PM, Blogger ahmad said…

    نسيتي ان وسائل الإعلام في مصر ، بروزت الخبر بتاع الجزمة . و طنشت اخبار عمال المحلة
    اللي طلعو حرامية
    و اتهفّوا سنين في السجن

    واحدة صديقة لطيفة ، و دايما بتتكلم عن بلدنا و مشاكلها ، بعتتلي ضمن عشرات رسالة سعيدة جدا ، بان بوش انضرب بالجزمة

    كنت عاوز اقولها حسي على دمك ، ٢٢ واحد اتسجنوا

    بس اتكسفت

     
  • At 12:30 AM, Blogger الحرية said…

    ماخو حلال ليهم حرام علينا

     

Post a Comment

Links to this post:

Create a Link

<< Home