Purple Rose of Cairo

This is a space for free expression and to speak out against hypocrisy; It’s a space where we can speak of daily problems no matter how trivial; It’s a space for confronting our issues and discussing them honestly.

Wednesday, September 03, 2008

طلعى الميوهات و نزلى العباية و الطرحة

انتهاء المصيف و بداية رمضان سريع جدا هذا العام و ربما جاء احسن تصوير لهذه السرعة فى عبارة قالتها صديقتى العزيزة عندما ذهبت لزيارتها بعد عودتها من مارينا ... كانت صديقتى العزيزة منهمكة فى تنظيف و ترتيب منزلها المهجور منذ بداية الصيف بمساعدة فاطمة خادمتها و كانت فاطمة كعادتها مشوشة الذهن و مهمومة ... وقفت فاطمة امام تلال الملابس المفروشة على السرير و على وجهها علامات تساؤل و قبل أن تعبر عما يحيرها نظرت صديقتى لها و قالت فى عجالة: ايه يا فاطمة محتاسة ليه؟
طلعى المايوهات و نزلى العباية و الطرحة
و جاء ذلك التصريح بمثابة اعلان عن انتهاء المصيف و بداية الشهر الكريم و لكل موسم زيه و طقوسه و خطابه ايضا
و على مدى ثلاثة ايام شاهدت و سمعت التحول
دخلت سوبر ماركت كبير فشاهدت اعمال ازالة بضائع المصيف من شماسى و كراسى بحر و النزول بالفوانيس و الياميش و تشييد صوان الكنافة و القطايف و المشتريين بيحملوا زى ما يكون الأكل حيخلص بكرة
جلست الى جوار ابنتى و هى تتحدث تليفونيا مع صديق فسألته انت خارج تعمل ايه اليلة دى؟ فرد عليها قائلا معزوم على عشاء لتوديع شعبان
ذهبت للعشاء فىمطعم فاعتذر المتر لعدم توافر اغلب الأصناف المكرونة و اللحوم و قال: بنحضر لرمضان كل سنة و انتم طيبيين و الحقيقة مافهمتش ليه فسألته هو انتم مانعين المكرونة و اللحمة و الخمرة فى رمضان؟؟؟ فضحك كثيرا ثم كرر الأعتذار عن عدم توافر الأصناف استعدادا لرمضان "كل سنة و انتم طيبين" و انشاء الله تشرفونا فى الشهر الكريم
ثم بدءت رسائل التهنئة بحلول الشهر الكريم و التهانى و اخلص التمنيات باللقاء فى الجنة و قيام الليل و الصوم المقبول و الكنافة و القطايف و الياميش
و اغلب الرسائل جاءت من معارف متخصصين فى ارسال الطف النكت و التعليقات الساخرة و الاباحية
او معارف لم التقى بهم او اسمع منهم منذ مولد النبى او شم النسيم
و تحولت كل الجرائد الى صفحات من الأعلان عن مسلسلات و برامج رمضان
و تحليلات و توقعات عن بورصة النجوم الرمضانيون
و تحولت قنوات التلفزيون الأرضى منها و الفضائى الى بروموهات و تنويه الى اقوى و احسن مسلسلات و برامج رمضان
و البرامج الحصرية و المسابقات و استضافة النجوم
وشاهدوا فلان الفلانى فقط على .... و اعرفوا فلانة الفلانية بتقضى الشهر الكريم ازاى
و هشام طلعت مصطفى بيعلن عن عودته من اجازته فى فرنسا و سفره للعمرة فى رمضان
و هل الحقنة فى الوريد او العضل بتفطر و الا لأ
و تذكروا يا مسلمين انه رمضان للصوم و العبادة و مش لمتابعة التلفزيون (ده على التلفزيون) لكن ما علينا
و المذيع الفلانى حيستضيف كل المذيعين
و رجل الأعمال نجيب ساويرس حيشتغل مذيع و يستضيف الأعلامى الكبير محمود سعد (و ماله هو يعنى نجيب ساويرس مش من حقه يلعب لعبة رمضان هو كمان) وتابعوا الدراما المصرية و اياكم و الدراما السورية (الأقتصاد المصرى فى خطر و كفاية علينا خسائر السينما فى موسم الصيف) و قنوات الخليج تقاطع المسلسلات المصرية ردا على قرار اشرف زكى
و عودة الدالى فى الجزء الثانى
و عودة يسرا داعية الى محاربة الفساد
و عودة يحيى الفخرانى فى مسلسل ثانى باسمه
و عودة خالد صالح نجم التلفزيون الشاب الصاعد الواعد مع هند صبرى لأول مرة فى التلفزيون
و حياة عبد الناصر فى مسلسل يرد على الملك فاروق (بس فين محمد نجيب و السنة الجاية نشوف السادات) وطبعا ظاهرة الست كوم
انا نفسى الصيف يرجع تانى
اللهم لا اعتراض على المسلسل التركى المدبلج "نور" و مظاهرات مارينا للدفاع عن مهند و لا اعتراض علىالرطوبة و التلوث و الحر و لا اعتراض على المرورفى شهر اغسطس و لا حريق مجلس الشورى ولا حكم البراءة لعضوه ممدوح اسماعيل

5 Comments:

  • At 12:06 AM, Blogger واحد من الناس said…

    هى دى مصر والمصريين ... وزى ما بيقولوا : كل وقت وله آذان

     
  • At 3:40 AM, Anonymous sunny said…

    la2 welessa agazet el 3eed we setta oktober , leeh tala3et el mayohat mosh fahma?

     
  • At 11:40 PM, Anonymous Anonymous said…

    Hi, this Lobna an Egyptian researcher. I am currently conducting a research on Egyptian female bloggers and I am interested in your blog. Kindly, I urgently need you to fill in a survey. I would very much appreciate if you could send me your e-mail to send it to you. Kindly, the participation is opened from till 8 November. Thank you for your cooperation.

    lobnabona@yahoo.com

     
  • At 1:55 AM, Blogger Sharm said…

    عادي

    احنا في ايجيبت

     
  • At 9:17 PM, Anonymous Anonymous said…

    Tousse i love it... I was actually laughing bas fi nafs el wa2t medaye2 3al e7na weselnalo... bas yemken e7na bardo lazem netala3 el mayohat we nenazel el 3abaya 3ashan nesteraya7

     

Post a Comment

Links to this post:

Create a Link

<< Home