Purple Rose of Cairo

This is a space for free expression and to speak out against hypocrisy; It’s a space where we can speak of daily problems no matter how trivial; It’s a space for confronting our issues and discussing them honestly.

Tuesday, May 22, 2007

رسالة من شارلوت صديقتى

الايام متشابهة
و المحبطات تتوالى
و المنغصات تتكاثر
و المسؤليات متعبة
و الياس يغلبنى
فافتح الكمبيوتر و ادخل على بريدى
اجد قصيدة لشارلوت برونتى
و كما لو كانت شارلوت موجهة رسالة لى بشكل شخصى
و ليه لاء ماحنا بنى آدمين زى بعض و فاهمين بعض
صحيح هى ماتت من اكثر من مئة و خمسين سنة
لكن حدوتة الحياة ماتغيرتش كثير
و شارلوت حبيبتى و صاحبتى و فاهمانى من زمان
من ساعة ماتعرفت عليها و انا فى الاعدادية و قرأت قصتها جين آير
شارلوت قالتلى فى قصيدة اسمها الحياة
ان الحياة مش حلم
و انه اوقات شوية مطر الصبحية بيبشروا بيوم لطيف
و انه احيانا بيكون فى سحب نكد
لكن كل دى حاجات و بتعدى
يعنى لو المطر حيخلى الورد يفتح
ليه نلوم سقوط المطر؟
و تكمل الست شارلوت و تقولى
انه ساعات الحياة المشمسة بتجرى مرحة
فاتمتعى بيهم وانت مزاءطتة و حامدة و شاكرة
لأنهم بيطيروا
و اوقات بيجى الموت
و بياخذ احسن ناس
و الحزن بيبقى حينتصر على الامل و يسحقه
لكن الامل بينط و يفط زى السوستة
مش مقهور بالرغم من وقعته
طاير باجنحة ذهبية
شايلانا و قوية
برجولة و من غير خوف
عشان ساعة المحاكمة و الحساب
حيظهر و يبان
انه حيهزم اليأس
و ينتصر الشجعان


Life

LIFE, believe, is not a dream
So dark as sages say;
Oft a little morning rain
Foretells a pleasant day.
Sometimes there are clouds of gloom,
But these are transient all;
If the shower will make the roses bloom,
O why lament its fall ?
Rapidly, merrily,
Life's sunny hours flit by,
Gratefully, cheerily,
Enjoy them as they fly !
What though Death at times steps in
And calls our Best away ?
What though sorrow seems to win,
O'er hope, a heavy sway ?
Yet hope again elastic springs,
Unconquered, though she fell;
Still buoyant are her golden wings,
Still strong to bear us well.
Manfully, fearlessly,
The day of trial bear,
For gloriously, victoriously,
Can courage quell despair !

Charlotte Bronte

Labels:

4 Comments:

  • At 2:21 PM, Blogger Egypt Rose said…

    مدونتك جميلة و مريحة جداً و تنم عن انسانة مرهفة الحس و هذا النوع من البشر غالباً ما يعاني كثيراً في حياته وخاصة في مصر وكونك تصفين نفسك بوردة بنفسجية و فتاة لطيفة (وكونك فتاة اصلاً في مصر ) هذا يعني انك قد تعرضتي أو في الطريق لكي تتعرضي للانتهاك الادمي عن طريق الاخرين (الذكور المتحزلقين) و ربما تكونين تحت تأثير علاقة نطلق عليها انا و اصدقائي علاقات الظل وهي العلاقات غير المتعارف عليها أو من الصعب السير في الحياة الطبيعية معها .. قد تمنحنا السعادة ولكنها في الظل و كثيراً ما تنتهي بألم و تشوه يصعب نسيانه وهذا ما يجعلك محبطة و كئيبة على الدوام ومن الافضل ان تحددي اطار العلاقة .. بحبك .. بكرهك..بعشقك.. عيزة اصاحبك بس.. انا مش بتاعت جواز .. انا عوزة اتجوزك .. ما تدحكش على علشان انا فاهمه كويس .. تعالي اسمعني وروح .. عايزة حد اتكلم معه ويمشى ..وانا متأكدة انك هتكوني سعيدة و ما تنسيش تسمعي فيروز اناء الليل و اول النهار .. على فكرة انا خريجة اداب انجليزي و شارلوت لها كتابات رائعة وجميلة ممكن ارسلها لك

     
  • At 2:51 PM, Anonymous بقدونس said…

    يعني لو المطر هيخلي الورد يفتح ليه نلوم سقوط المطر

     
  • At 1:44 PM, Blogger ahmad said…

    القصيدة رائعة
    موت شخص بيعني حياة شخص آخر
    شوفي الفيلم الرائع
    The Fountain
    طول عمري شفت الحياة و الموت زي أودتين في البيت ، اللي بيحصل إن حد بيسيب أودة و بيروح الثانية ، و لإننا اتعودنا على أودتنا هنا ، فما بنعرفش نستحمل فكرة ان حد يمشي ، و يروح مكان تاني احنا ما نعرفوش
    شكرا ع القصيدة يا روز

    ــــــــــــــ
    لا مؤاخذة ، مش عارف امسك نفسي
    سؤال إلى الزميلة
    egypt rose
    هو الكلام النسوي اللي فوق ده علاقته إيه بالتدوينة ، عشان ما فهمتش
    و لا انتي حبيتي تكتبي عن الذكور و النساء و خلاص

    أفادكم الله

     
  • At 3:43 PM, Blogger klephty said…

    I know you know we know whats littlel we know about life... the french just say 'Ce la Vie'.

     

Post a Comment

Links to this post:

Create a Link

<< Home